امریکہ اور ایران کے درمیان کشیدگی کم کرنے اور دونوں ممالک کو ایک سفارتی راستہ اختیار کرنے میں پاکستان کے کردار کو بجا طور پر سراہا جانا چاہیے۔ یہ کامیابی نہ صرف پاکستان کی سفارتی صلاحیتوں کا اعتراف ہے بلکہ اس بات کا بھی ثبوت ہے کہ دانشمندانہ قیادت، مسلسل رابطہ کاری اور مثبت سفارت کاری کے ذریعے بظاہر ناقابلِ حل نظر آنے والے تنازعات میں بھی پیش رفت ممکن بنائی جا سکتی ہے۔ ایسے وقت میں جب دنیا مختلف جنگوں، تنازعات اور غیر یقینی صورتحال سے دوچار ہے، پاکستان کا ایک ذمہ دار اور تعمیری کردار ادا کرنا یقیناً باعثِ اطمینان اور قومی فخر کی بات ہے۔

تاہم ایک فکر مند پاکستانی شہری کی حیثیت سے یہ سوال ذہن میں آتا ہے کہ جس سفارتی مہارت اور عزم کا مظاہرہ عالمی سطح پر کیا گیا ہے، کیا اسی جذبے کو ملک کے اندر اور اپنے خطے میں موجود چیلنجوں کے حل کے لیے بھی بروئے کار نہیں لایا جانا چاہیے؟ پاکستان کو آج جن مسائل کا سامنا ہے، ان میں بعض ایسے ہیں جن کے دیرپا حل کے لیے محض سیکیورٹی اقدامات ہی نہیں بلکہ سیاسی بصیرت، قومی مفاہمت اور وسیع تر مکالمے کی بھی ضرورت ہے۔

بلوچستان اور خیبر پختونخوا کے بعض علاقوں میں پائی جانے والی بے چینی، احساسِ محرومی اور سیکیورٹی چیلنجز اس........

© Daily Urdu