پرائیویٹ ہسپتالوں کی ہڑتال

30 ستمبر ملکی تاریخ کا ایک تاریک دن تھا جب شاید پہلی بار ایسا ہوا ہے کہ پرائیویٹ کلینکس اور ہسپتالوں نے حکومتی اداروں کے رویوں کے خلاف ہڑتال کی ہے۔ یہ ہڑتال بظاہر تو ایف بی آر کی پالیسیوں کے خلاف تھی لیکن حقیقت میں اس کے پیچھے محکمہ صحت اور ہیلتھ کیئر کمیشن کی کاروائیاں بھی شامل ہیں۔ حیرانگی کی بات ہے کہ جس ہیلتھ کیئر کمیشن نے صوبے سے عطائیت کو ختم کرنا تھا اس کا بڑا نشانہ آج کل کوالیفائیڈ ڈاکٹر اور ان کے کلینکس ہیں۔

آج بھی لاہور جیسے اہم شہر میں ہزاروں عطائی موجود ہیں اور بڑی آزادی کے ساتھ عطائیت چلا رہے ہیں لیکن ضلعی ہیلتھ آفیسر اور ہیلتھ کیئر کمیشن کے لوگ کوالیفائیڈ ڈاکٹروں کے کلینکس کو بند کرنے میں مصروف ہیں۔ پچھلے چند دنوں میں مجھے لاہور، فیصل آباد، گوجرانوالہ اور قصور سمیت کئی شہروں سے کچھ کوالیفائیڈ ڈاکٹروں نے فون کرکے بتایا کہ ڈسٹرکٹ ہیلتھ ڈیپارٹمنٹ کے نمائندے ان کے کلینکس پر چھاپے مار کر انھیں ہراساں کررہے ہیں اور یہاں تک کہ کئی کوالیفائیڈ ڈاکٹروں کے کلینک تک سیل کر دئیے گئے ہیں۔ یہ وہ ڈاکٹر ہیں جو بیس بیس سال سے اپنا کلینک چلا رہے ہیں اور ان کے پاس ایم بی بی ایس کی ڈگریاں موجود ہیں اور ساتھ میں پی ایم ڈی سی کے سرٹیفکیٹ اور ہیلتھ کیئر کمیشن کی رجسٹریشن تک دستیاب ہے۔ پھر بھی ان کے کلینک سیل کردئیے گئے۔

حیرانی کی بات ہے کہ جن علاقوں میں ڈاکٹروں کے کلینکس پر شب خون مارا گیا تھا بالکل انھیں علاقوں میں تھوک کے حساب سے عطائی ڈاکٹر موجود ہیں۔ مجھے لاہور ہی سے ایک ڈاکٹر نے بتایا کہ جب ڈسٹرکٹ ہیلتھ........

© Daily Urdu (Blogs)