اُردو زبان کے فروغ میں عورت کا حصہ

اردو زبان میرے لیے صرف اظہار کا وسیلہ نہیں، ایک احساس، ایک شناخت اور ایک مسلسل جدوجہد کا نام ہے۔ اس زبان کی تاریخ میں عورت کا حصہ خاموش ضرور رہا، مگر غیر موجود کبھی نہیں رہا۔ اگر ہم اردو کی موجودہ صورت حال کا جائزہ لیں تو ایک طرف یہ زبان تعلیمی، سرکاری اور ٹیکنالوجی کے میدان میں چیلنجز کا سامنا کر رہی ہے، تو دوسری طرف ادب، میڈیا اور سوشل پلیٹ فارمز پر ایک نئی توانائی کے ساتھ زندہ بھی ہے۔ اس نئی توانائی میں عورت کی آواز نمایاں طور پر شامل ہے۔

پاکستان میں اردو کو فروغ دینے کے حوالے سے عورت کا کردار محض تخلیقی سطح تک محدود نہیں رہا بلکہ تدریس، تحقیق، تنقید اور صحافت میں بھی اس نے اپنی جگہ بنائی ہے۔ اگر ہم ماضی کی طرف دیکھیں تو رشید جہاں جیسی ادیبہ نے نہ صرف لکھا بلکہ سماجی جمود کو توڑنے کی جرات بھی کی۔ ان کی تحریریں اس بات کا ثبوت ہیں کہ عورت نے ابتدا ہی سے اردو ادب میں اپنا حصہ ڈالنا شروع کر دیا تھا، چاہے اسے کتنی ہی مخالفت کا سامنا کیوں نہ کرنا پڑا ہو۔

اردو شاعری میں عورت کی آواز ایک الگ شناخت رکھتی ہے۔ پروین شاکر کا نام اس........

© Daily Urdu (Blogs)