کتاب تہذیبوں کی ماں: قومیں کیسے کامیاب ہوتی ہیں؟ (25)

دنیا کی تاریخ ہمیں ایک بہت بنیادی مگر اکثر نظر انداز کر دی جانے والی حقیقت بتاتی ہے کہ قومیں صرف نعروں، جذبات، تقریروں، شاعری، وسائل یا جغرافیے سے کامیاب نہیں ہوتیں بلکہ اُن کی اصل کامیابی علم، صنعت، پیداوار، تجارت اور مسلسل اجتماعی نظم و ضبط سے جنم لیتی ہے۔ ترک ماہرِ معاشیات مورات آئیولیک نے اپنی اہم کتاب "قومیں کیسے کامیاب ہوتی ہیں؟" میں اسی بنیادی سوال کا نہایت سنجیدگی سے جائزہ لیا ہے کہ آخر وہ کون سے عوامل ہیں جنہوں نے بعض قوموں کو دنیا کی قیادت عطا کی جبکہ دوسری قومیں وسائل کے باوجود پسماندہ رہ گئیں۔

اس کتاب کا اردو ترجمہ وقاص معظم جھوجہ نے کیا ہے اور یہ ترجمہ صرف ایک علمی خدمت نہیں بلکہ ہمارے جیسے معاشروں کے لیے ایک آئینہ بھی ہے۔ یہ کتاب ہمیں بار بار جھنجھوڑتی ہے کہ دنیا میں ترقی کا راز محض آزاد تجارت یا قدرتی وسائل میں نہیں بلکہ ایک مضبوط صنعتی بنیاد، تعلیم یافتہ افرادی قوت، ریاستی وژن، قومی منصوبہ بندی اور مقامی پیداوار کے فروغ میں پوشیدہ ہے۔

ہم ایک ایسے دور میں زندہ ہیں جہاں اکثر معاشروں کو یہ خوش فہمی لاحق ہے کہ محض سروس سیکٹر، درآمدات، قرضوں اور بیرونی سرمایہ کاری کے ذریعے مستقل ترقی حاصل کی جا سکتی ہے۔ مورات آئیولیک اس تصور کو تاریخی شواہد سے رد کرتے ہیں۔ وہ بتاتے ہیں کہ برطانیہ، جرمنی، امریکہ، جاپان، جنوبی کوریا اور چین جیسی طاقتیں آزاد منڈی کے فلسفے سے پہلے ایک طویل صنعتی تربیت، ریاستی سرپرستی اور مقامی صنعتوں کے تحفظ کے مراحل سے گزریں۔

ان ممالک نے ابتدا میں اپنی صنعتوں کو بیرونی مقابلے سے بچایا، اپنے ہنرمند پیدا کیے، اپنی........

© Daily Urdu (Blogs)