“30 ildən çoxdur ki, car çəkirik ki, müstəqil(!) Azərbaycan Respublikasında ən geniş, çoxsaylı və güclü casus, agentura, kəşfiyyat şəbəkəsinə malik dövlət Rusiyadır...”

“Rusiyanın işğalçı diktatoru Putin sonuncu dəfə Bakıya gələndə boş yerə demirdi ki, özümü öz evimdəki kimi hiss edirəm... Bu səbəblərdən də düşmənin gücünü qətiyyən, anadolulu qardaşlarımız demiş, küçümsəmək olmaz...”

"Səhv etmirəmsə, 2000-ci ildə mərhum Mirzə Xəzər "Azadlıq" radiosundakı çıxışlarından birində bildirdi ki, ABŞ MKİ-nin hesablamalarına görə, Azərbaycanda 80 min nəfərə yaxın Rusiya agenti var. O vaxt Azərbaycanın əhalisi 8 milyon nəfərə yaxın idi. O günlərdəki bir yazımda da yazmışdım ki, bu hesabla belə çıxır ki, Azərbaycanda hər 100 nəfərdən biri Rusiya agentidir və deməli, nəinki hər qəsəbədə, hər biir kiçik kənddə, hər şəhər məhləsində, binasında da Moskvaya işləyən xəbərçilər, çuğullar var..."

“Rusiya imperiyasının caynağından qurtulmaq üçün onun agentura şəbəkəsini məhv etmək istəyiriksə, öncə belə şantaj-komromat təzyiqi altında, “KQB”-“FSB” qarmağında qalan yerli, “milli” agentlərdən qurtulmaq gərəkdir...”

"...Tezliklə “Rus evi”ndəki agentlər rəsmən ifşa edilməli, onların adları səsləndirilməli, onlar həbs edilməli və barələrində müvafiq cinayət maddəsi ilə iş qaldırılmalıdır..."

-FİKİR SAVAŞI...-

*** **** ***

Bu günlərdə bir sıra media qurumlarında çox əndrəbadi bir xəbər yayıldı: Sən demə, 30 ilə yaxındır, Bakının “orta göbəyində” – düz Hökumət Evinin yanında yerləşən “Rus evi”-“Russkiy dom” adlanan bina Rusiyanın casus şəbəkəsi imiş. Əlbəttə, 30 ildən çoxdur dünyadan xəbəri olmayanlar üçün maraqlı xəbərdir: “Ayə, fikir ver, e, indiyədək xəbərimiz olmayıb, o boyda “domsovet”in yanında rus agentləri işləyirmiş...”...

Fəqət, əvvəla, agent axtarmaq telekanalların, saytların işi deyil, dövlətin kəşfiyyat, xüsusi xidmət orqanlarının işidir. Onlar da, maşallah, bu günədək ölkədəki İran casus şəbəkəsini, demək olar ki, dağıdıblar, neçə Fransanın, səhv etmirəmsə, ABŞ-nin........

© Moderator