Alt-Stadtrat Andreas Bossard über allerlei Nachtruhestörungen – typisch Zugerische und andere.

Es isch öppe vor 20 Joore gsy, wo i de Riedmatt usse e kurlige Typ gwohnt hed. Dee hed sich äischtig wäg de Chueglogge uufgregt. Villicht isch är duezmool wäg de günschtige Schtüüre i üüses Städtli zoge und hed nid tänkt, as es im Stüürparadys au no Puure mit Chüe hed. Zäntume hed me d'Chüe au i de Nacht ghöört. Är hed sich amigs bim Bimbele vo de Chueglogge i sym Näscht hie und häär trülled und hed äifach nid chönne pfuuse. Äischtig hed är im Puur böösi Briefe gschickt, und au sin Avokat hed sich müesse beschwääre. Und daas alles wäg de Nachtrue. Am Zääni müess noch Gsetz Nachtrue sy, und de töfid au d'Chüe käi Lärm me mache. Im Puur isch das glych gsy!  Är hed tänkt: Sini Rindli häigid doo scho mit de Schälle gwäided, wos no käi so gschtöörti Nochbere ggää hed.

Gly scho hed au de Stadtroot settigi Reklamatione überchoo, und me hed dem nüüe Bewooner gschribe, as das Kapitel «Chueglogge» scho mit Bundesgrichtsentschäid abghandled........

© Luzerner Zeitung