Non é a primeira vez nestas mesmas páxinas de La Región que tentamos distinguir o concepto comunitarista europeo da liberdade de expresión, que considera que a mesma ten como límites outros dereitos fundamentais das persoas e considera delito as expresións graves de discurso de odio que tentan despersonalizar ás persoas pertencentes a colectivos vulnerábeis ou historicamente discriminados e o concepto EEUU da mesma, nomeadamente individualista e libertario, que só sanciona os convites inmediatos e potencialmente eficaces á violencia. Tamén tentamos distinguir entre a protección do noso dereito á liberdade de opinión e transmisión de pensamentos e ideas e á liberdade de información, que a Constitución delimita á “transmisión de información veraz”.

Xa que logo, no noso sistema xurídico non é semellante a protección da liberdade de opinión a respecto da liberdade de difusión da información. A difusión de trolas ou loiadas (“fake news”) ten os seus límites sobranceiros nos sistemas........

© La Región