ACORDEI DE Francisco, o meu avó materno, mentres eu lía 'Koljós' de Emmanuel Carrère, que publicou Anagrama en febreiro. Se lles interesa a miña opinión han saber desculparme por non llelo comentar antes. Empeceino cando saíu, pero se me foi atascando na lama coma as rodas de Napoleón avanzando a través do inverno ruso. Esa campaña militar cóntaa Tolstói en 'Guerra e paz', aínda que non lin a novela completa. Tolstói e Dostoievski son os dous países en que viven os rusos, con fronteiras altas e metálicas. Mesmo dentro deles hai rexións por títulos. Un poeta ruso fundou a Sociedade de Amantes de Anna Karénina Antes que de Guerra e Paz. Eu lin a aventura da Karénina hai un par de veráns e prefiro a versión da muller soñadora que fai Flaubert en 'Madame Bovary'. Tolstói era máis misericordioso. Concede a Anna Karénina que se libere do sufrimento adúltero cun suicidio, pero Flaubert deixa morrer a Madame Bovary sen compadecerse dela. 

O meu avó Francisco era melómano. A lectora era a súa muller, a miña avoa Aurora. Ela estaba inclinada á grandiosidade das novelas de Tolstói. Dostoievski parecíalle "un adolescente insoportable", segundo me dixo. Hai un par de meses lin 'El adolescente' de Dostoievski, cando o recuperou Alianza. O protagonista pareceume un púber insolente malo de aturar;........

© Galiciaé