پیچھا کرتے کرتے سیاست صفر ہوگئی

تحریکِ انصاف کا پیچھا کرتے کرتے ملک کی روایتی سیاسی جماعتوں نے اپنی سیاست کا بڑا حصہ اسی ایک جماعت کی مخالفت میں صرف کر دیا نتیجہ یہ نکلا کہ سیاسی میدان میں اپنے منشور کارکردگی اور عوامی مسائل کی بات کم اور عمران خان اور تحریکِ انصاف کو روکنے کی بحث زیادہ ہونے لگی۔ آج بھی اسلام آباد کی سڑکوں پر لگے کنٹینرز، غیر معمولی سکیورٹی اور سیاسی کشیدگی اس بات کی گواہی دے رہے ہیں کہ معاملہ محض ایک جماعت کی انتخابی سیاست تک محدود نہیں رہا۔ عجیب صورتِ حال ہے کہ جس شخص کو سیاسی طور پر ختم کرنے کی باتیں کی جاتی رہیں وہ آج بھی ملکی سیاست کا مرکزی حوالہ بنا ہوا ہے۔ تین سال سے جیل میں ہونے کے باوجود عمران خان کے نام پر سیاسی سرگرمیاں جاری ہیں PTI اپنی مزاحمت برقرار رکھے ہوئے ہے اور حکومت و ریاستی ادارے بھی اس کے احتجاجی پروگراموں کو روکنے کے لیے غیر معمولی اقدامات کر رہے ہیں۔

یہاں ایک سوال ضرور پیدا ہوتا ہے اگر کسی سیاسی شخصیت کی مقبولیت ختم ہوچکی ہو تو پھر اس کے نام سے اتنی سیاسی بے چینی کیوں پیدا ہوتی ہے؟ اگر اس کی جماعت غیر متعلق ہوچکی ہو تو پھر اس کے........

© Daily Urdu