طاقت انسان کو بے نقاب کرتی ہے

میں نے اکثر اپنے آفس کی لفٹ میں ایک شخص کو دیکھا۔ سادہ لباس، جھکی ہوئی نظریں، ہاتھ میں فائل، ہر آنے والے کو راستہ دیتا ہوا۔ پھر اچانک وہ کہیں غائب ہوگیا اور ہم بھی بھول گئے۔ برسوں بعد وہی شخص ایک سرکاری تقریب میں اسٹیج پر بیٹھا تھا جہاں میں بھی بطور گیسٹ سپیکر مدعو تھا۔ اسکا لباس بدل چکا تھا، کرسی اونچی ہو چکی تھی اور نظریں۔۔ نظریں اب کسی کو راستہ نہیں دیتی تھیں۔ جب اس نے تقریر کی تو انتہائی متکبرانہ باتیں کہ میں ششدر رہ گیا۔ مجھے اسی دن یہ جملہ سمجھ آیا کہ طاقت انسان کو نہیں بدلتی، طاقت انسان کو بے نقاب کرتی ہے۔

ہم عموماً یہ مان لیتے ہیں کہ اختیار، عہدہ یا شہرت انسان کو بدل دیتی ہے۔ حقیقت مگر اس سے کہیں زیادہ تلخ ہے۔ طاقت کسی کو نیا کردار نہیں دیتی، یہ اس کے اندر چھپے ہوئے کردار کو........

© Daily Urdu